Rreshteri i Policisë së Kosovës dhe pjesëtar i Mbrojtjes së Afërt të Kryeministrit Albin Kurti, Gëzim Millaku, është suspenduar nga detyra.
Sipas burimeve, suspendimi i tij lidhet me raportin e përpiluar pas ngjarjes së 31 janarit 2025, ku Millaku kishte deklaruar se Sami Lushtaku nuk kishte tentuar ta sulmonte eskortën e Policisë së Kosovës.
Deri në momentin e suspendimit, Millaku ishte pjesë e ekipit të sigurisë së Kryeministrit Kurti.
Ai ka një përvojë të gjatë në Policinë e Kosovës dhe ndër vite ka qenë përgjegjës për sigurinë e afërt të pothuajse të gjithë kryeministrave dhe presidentëve të vendit.
Millaku njihet gjithashtu si ish-ushtar i Ushtrisë Çlirimtare të Kosovës (UÇK).