Policia ka njoftuar se një grua është arrestuar në fshatin Uglar të Graçanicës nën dyshimin se ka keqtrajtuar fëmijët e saj të mitur.
Sipas Policisë, të dyshuarës i është bërë testi i alkoolit dhe ka rezultuar se ishte nën ndikimin e alkoolit.
Fëmijëve u është ofruar ndihmë mjekësore në prani të një punonjësi social.
Me vendim të prokurorit, pas intervistimit, e dyshuara është dërguar në mbajtje për 48 orë.
‘Është arrestuar e dyshuara f/k nën dyshimin se ka keqtrajtuar fëmijët e saj të mitur. Të njëjtës i është bërë alkool testi dhe ka rezultuar se është nën ndikim të alkoolit. Fëmijëve iu ka dhënë ndihma mjekësore në prani të një punonjësi social. Me vendim të prokurorit e dyshuara pas intervistimit është dërguar në mbajtje për 48 orë”.