Tre persona kanë marrë lëndime trupore si pasojë e një aksidenti ndërmjet tri veturave në rrugën Viti-Kllokot pasditen e së hënës.
Lajmin për Gazetën Insajderi e ka bërë të ditur zëdhënësi i Policisë për rajonin e Gjilanit, Valon Osmani.
“Me datën 25.05.2026 rreth orës 13:15 kemi pranuar informacion se në aksin rrugor Viti-Kllokot ka ndodhur një aksident trafiku me lëndime në të cilin kanë qenë të përfshira tri automjete. Si pasojë lëndime trupore kanë pësuar tre persona të cilët janë dërguar për tretman mjekësor në qendrën emergjente në Gjilan”, thotë Osmani.
Osmani tutje ka bërë të ditur se hetuesit e aksidenteve kanë dale në vendngjarje dhe po hetojnë rrethanat e aksidentit. /Insajderi.org/