Gazetari dhe opinionisti Nderim Neziri reagon shpesh në rrjetet sociale për çështje të ndryshme. I njohur për qëndrimet e tij të drejtpërdrejta, ai ka ndarë së fundmi një shkrim në Instagram, ku flet për prirjen e njerëzve për t’u marrë me çështjet e të tjerëve.
Në këtë shkrim, Neziri thekson se shpesh njerëzit përqendrohen te problemet e të tjerëve, ndërsa lënë pas dore ato që kanë në jetën e tyre personale, në marrëdhëniet në çift dhe në familje. Ai e përshkruan këtë dukuri me një mesazh kritik për mënyrën se si njerëzit i trajtojnë çështjet që i rrethojnë, shkruan “Kosovarja”.
“Na jemi ai popull që merremi me punët e krejt botës, ndërkohë që tonat i kemi ‘kërrsh’. Merremi me krejt, po kurrë me veten”, ka shkruar ai, duke shtuar se njerëzit shpesh dinë t’u japin zgjidhje problemeve të të tjerëve, por jo atyre të vetat.
