Policia e Kosovës ka publikuar raportin e saj për sigurinë në trafik gjatë 24 orëve të fundit.
Sipas të dhënave zyrtare, nuk është regjistruar asnjë aksident trafiku me fatalitet.
Gjatë kësaj periudhe janë evidentuar 27 aksidente trafiku me persona të lënduar dhe 52 aksidente që kanë shkaktuar vetëm dëme materiale.
Po ashtu, në kuadër të kontrolleve në komunikacion, Policia ka shqiptuar gjithsej 2,831 tiketa trafiku për shkelje të ndryshme të rregullave të qarkullimit rrugor.
Policia u bën thirrje të gjithë pjesëmarrësve në trafik që të respektojnë rregullat e komunikacionit dhe të tregojnë kujdes të shtuar, me qëllim parandalimin e aksidenteve dhe ruajtjen e sigurisë në rrugë.