Kryetari i Komunës së Skenderajt, Sami Lushtaku, ka reaguar pas pretendimeve të Lëvizjes Vetëvendosje për sulm fizik ndaj kryetarit të këtij subjekti politik në degën e Skenderajt, Hysni Mehani.
Lushtaku me anë të një postimi në ‘Facebook’ ka pretenduar se kryetari i Lëvizjes Vetëvendosje, Albin Kurti, tentoi ta sulmojë përmes mekanizmave të tij, shkruan Insajderi.
“Pushteti i Albin Kurtit përmes mekanizmave të tij tentoi që sot të më sulmoi në Skenderaj. E kam një jetë në shërbim të vendit kurse etiketat si “Sami Serbia” qytetarët nuk i tolerojnë më prandaj edhe reaguan!”, deklaroi ai.